იუსტიციის სამინისტროში მოქალაქეთა მისაღები გაიხსნა
თბილისი.04.11.04.მედია-ნიუსი. 4 ნოემბერს საქართველოს იუსტიციის სამინისტროში მოქალაქეთა მისაღების პრეზენტაცია გაიმართა. ღონისძიებას პრემიერ-მინისტრი ზურაბ ჟვანია დაესწრო.
ამიერიდან მოქალაქეები ინფორმაციას გამარტივებული წესით მიიღებენ და მათ ამ საქმეში სამინისტროს 12 თანამშრომელი დაეხმარება.
„მოქალაქეთა მისაღები საშუალებას აძლევს მოქალაქეებს, ინფორმაცია გამარტივებული პროცედურით მიიღონ. გარდა ამისა, მისაღებში გამოკრულია სხვადასხვა სპეციფიკური ინფორმაცია, რაც ხელს შეუწყობს მოქალაქეების დროულ ინფორმირებას,“- განაცხადა იუსტიციის მინისტრის მოადგილემ კოტე ვარძელაშვილმა.