მანანა არჩვაძის მხარდამჭერებმა უშიშროების სამინისტროსთან აქცია გამართეს
თბილისი.09.11.04.მედია-ნიუსი. პოლიტიკური ორგანიზაცია „მრგვალი მაგიდის“ საპროტესტო აქციამ გენერალური პროკურატურიდან უშიშროების სამინისტროსთან გადაინაცვლა. აქციის მონაწილეები მოითხოვენ ეკომომიკის სამინისტროს წინ აქციაზე დაკავებული „მრგვალი მაგიდის“ აქტივისტებისა და რამოდენიმე დღის წინ ცრუ სატელეფონო შეტყობინებებში ეჭვმიტანილ, სამხატვრო აკადემიის სტუდენტის კახა ხუხუნაიშვილის სასწრაფო გათავისუფლებას. წინააღმდეგ შემთხვევაში პერმანენტული საპროტესტო აქციების გაგრძელებით იმუქრებიან.
„მრგვალი მაგიდის“ ლიდერის მანანა არჩვაძე-გამსახურდიას განცხადებით, ხელისუფლება ცდილობს ოპოზიციის წინააღმდეგ დაწყებული რეპრესიების გაგრძელებას.