სოფელ მინაძის მოსახლეობა ნავთობსადენის მშენებლობის წინააღმდეგ გამოდის
თბილისი.14.12.04.მედია-ნიუსი. ახალციხის რაიონის სოფელ მინაძის მოსახლეობა ბაქო-თბილისი-ჯეიჰანის ნავთობსადენის მშენებლობის წინააღმდეგ საპროტესტო აქციას მართვს. მათ დილიდან ცენტრალური საავტომობილო მაგისტრალი აქვთ გადაკეტილი.
როგორც მოსახლეობა აცხადებს, კომპანია „ბი-პი“-ს კუთვნილი სატვირთო მანქანების გადაადგილება მათი საცხოვრებელი სახლების დაზიანებას იწვევს. მათივე თქმით, შესაბამისი დასკვნა, რომ საცხოვრებელი სახლების სიახლოვეს სატვირთო მანქანების მოძრაობა დაუშვებელია, კომპანიის წარმომადგენლობას არაერთხელ წარუდგინეს, თუმცა მისთვის ყურადღება არავის მიუქცევია.
საპროტესტო აქციის გამო ბაქო-თბილისი-ჯეიჰანის მილსადენის ახალციხის მონაკვეთზე სამშენებლო სამუშაოები შეჩერებულია.