თბილისის № 1 საპყრობილეში შიდსზე გამოკვლევა ჩატარდა
თბილისი. მედია ნიუსი. იუსტიციის სამინისტროს სამედიცინო დეპარტამენტმა შიდსისა და კლინიკური იმუნოლოგიის ცენტრთან ერთად აივ-ინფექცია/შიდსზე გამოსაკვლევად თბილისის № 1 საპყრობილის ერთ-ერთ კორპუსში მყოფი პატიმრებისაგან სისხლი აიღო.
იუსტიციის სამინისტროს სამედიცინო დეპარტამენტის მთავარი ეპიდემიოლოგის კოტე ტურაშვილის ინფორმაციით, 500-მდე პატიმრიდან გამოკვლევის სურვილი 200-მდე მათგანმა გამოთქვა.
სასჯელაღსრულების სისტემაში ამჟამად 19 შიდსით ინფიცირებული იმყოფება. ახალი გამოკვლევის შედეგები ერთ კვირაში გახდება ცნობილი.