ბათუმში ჟურნალისტი სცემეს
ბათუმი. მედია ნიუსი. ბათუმში გაზეთ „აჭარას“ კორესპონდენტი ირაკლი ცეცხლაძე საკუთარი სახლის სადარბაზოსთან დაუდგენელმა პირებმა სცემეს.
სამართალდამცავები ფიზიკური ანგარიშსწორების მიზეზს ვერ აკონკრეტებენ, თუმცა თავად ჟურნალისტის აზრით, ამის მიზეზი ერთ-ერთი სტატია გახდა, სადაც სასაზღვრო უწყების მაღალჩინოსნებს აკრიტიკებს.
დაზარალებულს ჩაუტარდა სამედიცინო ექსპერტიზა, რომლის მიხედვითაც დადგინდა, რომ ცეცხლაძეს სახეზე ბლაგვი საგნით აქვს მიყენებული დაზიანებები.
მომხდართან დაკავშირებით აღძრულია სისხლის სამართლის საქმე.