გურჯაანში გაზეთ „იმედის“ რედაქცია დაარბიეს
გურჯაანი.07.01.05.მედია-ნიუსი. შობის ღამეს გურჯაანში გაზეთ „იმედის“ რედაქცია დაუდგენელმა პირებმა დაარბიეს. ჩამსხვრეულია შენობის ფანჯრები, გატეხილია კარები და კომპიუტერები.გაზეთის მთავარი რედაქტორის გელა მთიულაშვილის განცხადებით, მოსალოდნელი დარბევის შესახებ რამდენიმე დღის წინათ ისინი ერთ-ერთმა ოფიციალურმა პირმა გააფრთხილა, რადგან მათი საქმიანობით კახეთის რაიონების გამგებლები უკმაყოფილონი არიან.გაზეთის ოფისიდან წაღებულ დოკუმენტებს შორის არის რამდენიმე წლის წინათ დედოფლისწყაროში მომხდარ მკვლელობასთან დაკავშირებით შეგროვილი მასალები, რომელსაც ჟურნალისტები დარბევის ფაქტს უკავშირებენ.„ყველაფერი ეს კახეთში თავისუფალი სიტყვის საბოლოოდ ჩასახშობადაა მოწყობილი,“- განაცხადა გელა მთიულაშვილმა.