ერაყში 500 ქართველი სამშვიდობო ჯარისკაცი გაემგზავრება
თბილისი.10.01.05.მედია-ნიუსი. მორიგი ქართული სამშვიდობო შენაერთი ერაყში 20 იანვრამდე გაემგზავრება. შავნაბადას ბატალიონის 500 სამხედრო მოსამსახურე ბაღდადში განლაგდება და მათი ძირითადი ამოცანა გაეროს მისიის დაცვის უზრუნველყოფა იქნება.
ქართველი სამშვიდობოები ამერიკული სამხედრო თვითმფრინავით ჯერ კუვეიტში წავლენ, სადაც ორკვირიან დამატებით მომზადებას გაივლიან და ბაღდადში ამის შემდეგ გაემგზავრებიან.
შავნაბადას ბატალიონის წევრები ერაყში ექვსი თვე დარჩებიან.