დუშეთის რაიონის გამგებელმა რეზერვისტი სცემა
თბილისი19.01.05.მედია-ნიუსი. მცხეთა-მთიანეთის რეგიონში პრეზიდენტის სახელმწიფო რწმუნებული გოგა ხაჩიძე ადასტურებს ინფორმაციას, რომ დუშეთის რაიონის გამგებელმა გოდერძი ბერბერაშვილმა რამდენიმე დღის წინათ რეზერვისტი, ბულაჩაურის საკრებულოს ყოფილი თავმჯდომარე გიორგი გურაშვილი სცემა.მისივე თქმით, ინციდენტი უშუქობის გამო მოსახლეობის მიერ გამართულ საპროტესტო აქციაზე მოხდა და გამგებელი ნასვამ მდგომარეობაში იმყოფებოდა.თავად დაზარალებული ამჟამად ტვინის შერყევისა და თავის ქალის დაზიანების დიაგნოზით მცხეთის საავადმყოფოში მკურნალობს.რწმუნებულის განცხადებით, პოლიციამ მოკვლევა უკვე დაასრულა და საქმე საგამოძიებო ნაწილს გადაეცა. ბერბერაშვილის წინააღმდეგ სისხლის სამართლის საქმის აღძვრის საკითხი კი მას შემდეგ გაირკვევა, რაც ექსპერტთა ჯგუფი მოამზადებს დასკვნას გურაშვილის ჯანმრთელობის მდგომარეობის სიმძიმის შესახებ.