მოსამართლემ სასამართლოს თავმჯდომარე დაჭრა
თბილისი.25.01.05.მედია-ნიუსი. თბილისის გლდანი-ნაძალადევის რაიონული სასამართლოს თავმჯდომარე ზურაბ რუხაძე მისივე კოლეგამ, ამავე რაიონის მოსამართლემ გაიოზ სინჯიკაშვილმა „მაკაროვის“ სისტემის ცეცხლსასროლი იარაღიდან გასროლით დაჭრა.
როგორც თვითმხილველები აცხადებენ, გაიოზ სინჯიკაშვილი ნასვამ მდგომარეობაში იარაღით ემუქრებოდა თანამშრომლებს.სიტუაციის განსამუხტად საქმეში ჩაერია სასამართლოს თავმჯდომარე, რის შემდეგაც გაიოზ სინჯიკაშვილმა იარაღი გამოიყენა.
გლდანი-ნაძალადევის რაიონული სასამართლოს თავმჯდომარე ზურაბ რუხაძე ამჟამად მე-8 საავადმყოფოშია გადაყვანილი, ხოლო გაიოზ სინჯიკაშვილი მიმალვაშია.
რაიონის პროკურატურაში აღძრულია სისხლის სამართლის საქმე და მიმდინარეობს გადაუდებელი საგამოძიებო მოქმედებები.