ახალციხეში სტუდენტთა აქციის ლიდერები დააკავეს
ახალციხე.18.02.05. მედია ნიუსი. პოლიციამ ახალციხეში მიმდინარე საპროტესტო აქციის ორგანიზატორები, რამდენიმე სტუდენტი დააკავა.
როგორც სამართალდამცავები აცხადებენ, მათ კანონი დაარღვიეს, რადგან საავტომობილო მაგისტრალი გადაკეტეს, რის გამოც თბილისის, ახალციხისა და თურქეთის მიმართულებით მოძრაობა, ფაქტობრივად, შეწყვეტილი იყო.
გავრცელებული ინფორმაციით, ახალციხეში შეყვანილია სპეცრაზმი.
აქციები სტუდენტებმა მას შემდეგ დაიწყეს, რაც სამხარეო პროკურატურამ თბილისის სახელმწიფო უნივერსიტეტის ახალციხის ფილიალის რექტორი მერაბ ბერაძე დააკავა. მას სამსახურეობრივი უფლებამოსილების ბოროტად გამოყენებაში ადანაშაულებენ.
სტუდენტები ამ ფაქტს აპროტესტებენ და რექტორის დაუყოვნებლივ გათავისუფლებას მოითხოვენ.