სპეცრაზმმა დევნილთა აქცია დაშალა
ბაგების საერთო საცხოვრებელში მცხოვრებმა დევნილებმა 20 თებერვალს, საღამოს ელექტროენერგიის მოთხოვნის მიზნით საპროტესტო აქცია გამართეს და წყნეთისკენ მიმავალი გზა გადაკეტეს. სტუდენტები და დევნილები ელექტროენერგიის მიწოდებას რამოდენიმე დღეა შესაბამის ინსტანციაში ითხოვენ, მაგრამ უშედეგოდ. გუშინ ღამით კი, აქციის მონაწილეები სპეცრაზმმა დაარბია.
აქციის ათამდე მონაწილე, რომელთა შორის ქალები და სტუდენტები არიან, დაპატიმრებულია. ნაცემია რამოდენიმე სტუდენტი, ხოლო ერთ-ერთ მათგანს, გავრცელებული ინფორმაციით, მძიმე დაზიანებები აქვს მიყენებული.