გაერო საქართველოსაგან ადამიანის წამების წინააღმდეგ ოქმის რატიფიცირებას ითხოვს
თბილისი.22.02.05.მედია-ნიუსი. პარლამენტის თავმჯდომარემ ნინო ბურჯანაძემ წამების საკითხებში გაეროს ადამიანის უფლებათა კომისიის სპეციალური მომხსენებელი მანფრედ ნოვაკი მიიღო.
შეხვედრას ასევე ესწრებოდნენ გაეროს ადამიანის უფლებათა ოფიცერი სარიფ საიედი და გაეროს წარმომადგენელი საქართველოში ლანს კლარკი.
როგორც შეხვედრიდან გამოსვლისას პარლამენტის ადამიანის უფლებათა დაცვის კომიტეტის თავმჯდომარემ ელენე თევდორაძემ განაცხადა, სტუმრებმა დასვეს საკითხი, რომ პარლამენტმა რატიფიცირება გაუკეთოს ადამიანის წამებისა და ღირსების შელახვის წინააღმდეგ გაეროს მეორე ოქმს.
თევდორაძის თქმით, ამ ოქმის საფუძველზე შეიქმნება სპეციალური ორგანო, რომელიც მონიტორინგს გაუწევს წინასწარი დაკავების საკნებში წამების ფაქტებს. ამ ორგანოს წევრებს იმუნიტეტი დაიცავს.
პარლამენტარის თქმით, ამ ოქმის რატიფიცირებასთან დაკავშირებული პროცედურული საკითხების მოგვარება ნინო ბურჯანაძემ საგარეო ურთიერთობათა კომიტეტის თავმჯდომარეს კოტე გაბაშვილს დაავალა.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
