სადახლოელმა აზერბაიჯანელებმა საპროტესტო აქცია გამართეს
მარნეული.31.03.05.მედიანიუსი. მარნეულის რაიონის სოფელ სადახლოში მცხოვრებმა აზერბაიჯანელთა ერთმა ნაწილმა საპროტესტო აქცია გამართეს და პოლიციის ქვეგანყოფილების უფროსის გოჩა შუბითიძის პოსტიდან გადადგომა მოითხოვეს.მათი განცხადებით, შუბითიძე და პოლიციის სხვა თანამშრომლები ავიწროვებენ, ფიზიკურ და სიტყვიერ შეურაცხყოფას აყენებენ და ფულს სძალავენ. აქციაზე მივიდნენ პოლიციის მხარდამჭერებიც, რასაც ვითარების გამწვავება და აყალ-მაყალი მოჰყვა.თავად სადახლოს პოლიციის ქვეგანყოფილების უფროსის გოჩა შუბითიძის განცხადებით კი, მის წინააღმდეგ ის პირები გამოდიან, რომელთა ოჯახის წევრებიც სამართალდამცავებმა სხვადასხვა დანაშაულის გამო დააკავეს. ჩვენ მხოლოდ კანონდამრღვევებს ვაკავებთ და აქციები ამ პროცესს ვერ შეაჩერებს,“ - აღნიშნა შუბითიძემ.