ზუგდიდის ბაზარში მოვაჭრეთა აქცია ცემა-ტყეპით დასრულდა
ზუგდიდი.19.04.05.მედიანიუსი. ზუგდიდის ბაზარი ისევ ყურადღების ცენტრშია. 19 აპრილს დილით ბაზრის ტერიტორიაზე სპეცრაზმისა და შინაგანი ჯარის გამოძახება გახდა საჭირო‚ რადგან მოვაჭრეები ცენტრალური კარის გახსნას ითხოვენ და პროტესტის ნიშნად მათ ეს კარი ჩამოხსნეს.
მოვაჭრეები აცხადებენ‚ რომ ბაზრის ცენტრალური კარის ჩარაზვის გამო რამდენიმე განყოფილება უმოქმედოა. ამასთან, ბაზარში ვაჭრობა გარევაჭრობასთან კონკურენციას ვერ უძლებს.
კარის ჩამოხსნას ძალოვანებსა და ხალხს შორის დაპირისპირება მოჰყვა. შეხლა-შემოხლაში ორივე მხარე იყო ჩართული.
სპეცრაზმმა აქციის რამდენიმე მონაწილე დააკავეს და პოლიციაში გადაიყვანეს, თუმცა მალევე გაათავისუფლეს.
„მანქანაში ცემა-ტყეპით მტენიდნენ, მაგრამ შიგ მანქანაში ნამდვილად არავის ვუცემივარ. როგორც კი სამხარეო პოლიციაში მიმიყვანეს‚ მაშინვე გამათავისუფლეს“, _ აცხადებს აქციის ერთ-ერთი მონაწილე.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
