დედაქალაქის მოქალაქეთა უფლებების დაცვის კავშირი დაფუძნდა
თბილისი.22.04.05.მედია-ნიუსი. თბილისის საკრებულოს გადაწყვეტილებით დედაქალაქის მოქალაქეთა უფლებების დაცვის კავშირი დაფუძნდა.
საკრებულოს 22 აპრილის სხდომაზე იურიდიულ საკითხთა და ადამიანის უფლებათა დაცვის კომისიის თავმჯდომარემ სევდია უგრეხელიძემ წარმოადგინა პროექტი თბილისში მოქალაქეთა უფლებების დაცვის, მათი დაკავებისას კანონის განუხრელი შესრულებისა და წამების შემთხვევების პრევენციის მიზნით კავშირის დაფუძნების შესახებ.
ამ კავშირის დამფუძნებლები იქნებიან თბილისის საკრებულო და დედაქალაქის მთავრობა. მათთან ითანამშრომლებენ სახელმწიფოსა და სამართლის ინსტიტუტი, ივანე ჯავახიშვილის სახელობის თბილისის სახელმწიფო უნივერსიტეტის სოხუმის ფილიალი, საფრანგეთის უმაღლესი სასამართლო, ინსტიტუციების ადვოკატთა ასოციაცია და არასამთავრობო ორგანიზაცია „თანადგომა.“