ენგურჰესთან საპროტესტო აქცია გაიმართა

ენგურჰესთან საპროტესტო აქცია გაიმართა

წალენჯიხა.08.05.05.მედიანიუსი. წალენჯიხის რაონის დაბა ჯვარის მოსახლეობა ელეტროენერგიის უქონლობის გამო ჰესთან საპროტესტო აქციებს მართავს. ისინი აცხადებენ‚ რომ ხელისუფლება გადაუხდელობის გამო დენს თიშავს, მაგრამ იმაზე არ ფიქრობს‚ რომ მოსახლეობა დასაქმებული არ არის.
“მოგვეცით სამუშაო და გადავიხდით ფულს”, - აცხადებენ წალენჯიხელები.

აქციის ერთ-ერთი მონაწილის თქმით‚ მაშინ‚ როდესაც ჰესი სოფლიდან ორ ნაბიჯზეა, ელექტროენერგია კი სოფელში 24 საათის განმავლობაში არ არის.
“ჩვენი სოფელი ენგრუჰესის მშენებლობის გამო დაზარალდა კიდეც‚ რადგან ჰესმა 130  ჰექტარი წაართვა”, - აცხადებენ ჯვარელები.

მათ ასევე შეადგინეს საჩივარი‚ რათა წალენჯიხის ენერგოკომპანიის ფილიალის მესვეურთა მიმართ სისხლის სამართლებრივი დევნა დაიწყოს. საქმე ისაა‚ რომ კომპანიამ 5 მაისს  ჩაჭრა მოსახლეოებისათვის ელექტროენერგიის სადენები, - აცხადებენ აქციის მონაწილეები.