აფხაზებმა კიდევ ერთი ქართველი გაიტაცეს
ზუგდიდი.24.05.05.მედიანიუსი. ნიღბიანმა აფხაზმა შეიარაღებულმა პირებმა გალის რაიონში კიდევ ერთი ქართველი გაიტაცეს. სოფელ ნაბაკევში მცხოვრებ კიკალიას საკუთარ სახლში დაესხნენ თავს. ის იარაღის მუქარით გაურკვეველი მიმართულებით წაიყვანეს.
გამტაცებლები მძევლის გათავისუფლებისთვის 50 ათას დოლარს ითხოვენ. ისინი კიკალიების ოჯახს გატაცებულის მობილური ტელეფონით დაუკავშირდნენ.
აფხაზმა შეიარაღებულმა პირებმა დავით კიკალიას გატაცებამდე რამდენიმე დღით ადრე ნაბაკევთან სამი ქართველი გაიტაცეს‚ რომლებიც 70 ათასი დოლარის გადახდის შემდეგ გაათავისუფლეს.