ბავშვთა სოციალური ადაპტაციის ცენტრი გაიხსნა
თბილისი.01.06.05.მედიანიუსი. თბილისში ბავშვთა სოციალური ადაპტაციის პირველი ცენტრი გაიხსნა.
გახსნის ცერემონიას საქართველოს პრეზიდენტი მიხეილ სააკაშვილი დაესწრო.
ჟურნალისტებთან საუბრისას მან აღნიშნა, რომ მიუსაფარ ბავშვთა პრობლემა ყველაზე მეტად აქტუალური დედაქალაქისთვისაა. „უსახლკარო ბავშვების უმრავლესობა ტოქსიკომანები არიან, ოჯახების ან დამნაშავეობრივი დაჯგუფებების დავალებით ისინი ხშირად წვრილი კრიმინალებით არიან დაკავებულები“, _ თქვა მან.
ცენტრი 6 თვით შეინახავს უზედამხედველო ბავშვებს, ხოლო შემდეგ ცენტრის ხელმძღვანელები მათ ან ოჯახებში დააბრუნებენ, ან ბავშვთა სახლებში გააგზავნიან.
ცენტრში დიდი ყურადღება დაეთმობა მისი აღსაზრდელების მენტალიტეტისა და ფიზიკური მდგომარეობის შესწავლას და აუცილებლობის შემთხვევაში, მათ შესაბამისად დაეხმარებიან.
ცენტრი გაიხსნა პროგრამა „თავშესაფარი უსახლკარო ბავშვებისთვის“ ფარგლებში, მისი განვითარებისთვის 2005 წლის თბილისის ბიუჯეტში 200 ათასი ლარია გამოყოფილი.