ციხეებში წამების ფაქტების მორიტორინგს სემინარი ეძღვნება

ციხეებში წამების ფაქტების მორიტორინგს სემინარი ეძღვნება

თბილისი.19.07.05.მედიანიუსი. დღეს სასტუმრო "შერატონ მეტეხი-პალასში" გაიხსნა სამდღიანი სემინარი, რომელსაც ევროსაბჭოს წამების საწინააღმდეგო კომიტეტის წარმომადგენლები და ამ სფეროში მომუშავე ბულგარელი ექსპერტები ატარებენ.

სემინარი ეძღვნება ქართველი ტრენერების მომზადებას, რომლებმაც ციხეებში წამების ფაქტების მონიტორინგი უნდა განახორციელონ, შემდეგ კი ქართველი ტრენერები ამავე სფეროში ადგილობრივ კადრებს თავად მოამზადებენ.

როგორც "მედიანიუსს" ახალგაზრდა იურისტთა ასოციაციის თავმჯდომარემ ანა დოლიძემ განუცხადა, წამების საწინააღმდეგო კომიტეტის მიერ გამოქვეყნებული ანგარიშით ცხადი ხდება, თუ რა სავალალო მდგომარეობაა ამ მხრივ ქართულ ციხეებში.

სემინარს ადამიანის უფლებათა დამცველი ქართული არასამთავრობო ორგანიზაციები ესწრებიან, მათ შორის "ახალგაზრდა იურისტთა ასოციაცია," "ყოფილი პოლიტპატიმრები - ადამიანის უფლებებისათვის," "კონსტიტუციის 42-ე მუხლი" და სხვა.