სართიჭალის მოსახლეობამ ცენტრალური საავტომობილო მაგისტრალი გადაკეტა
თბილისი.19.07.05.მედიანიუსი. გარდაბნის რაიონის სოფელ სართიჭალის მოსახლეობამ სოციალური პრობლემების გამო ცენტრალური საავტომობილო მაგისტრალი გადაკეტა.
მოსახლეობის განცხადებით, უკვე ერთი თვეა სოფელს წყალი და ელექტროენერგია არ მიეწოდება.
სართიჭალის გამგებლის კობა მოხეიშვილის განცხადებით, თელეთ-მარტყოფის ენერგოკომპანიამ გამრიცხველიანების პროცესი მათთან შეუთანხმებლად განახორციელა, რამაც მოსახლეობაში დავალიანების გაზრდა გამოიწვია.
კობა მოხეიშვილი ადასტურებს, რომ სართიჭალის მოსახლეობა გადასახადებს ვერ იხდის და ამ ფაქტს მძიმე სოციალური მდგომარეობით ხსნის.