პრეზიდენტს შეწყალების მიზნით პატიმართა სია წარუდგინეს
თბილისი.27.07.05.მედიანიუსი. შეწყალების სახელმწიფო კომისიამ პრეზიდენტ მიხეილ სააკაშვილს 54 პატიმრის სია წარუდგინა.
როგორც პარლამენტის ადამიანის უფლებათა დაცვის კომიტეტის თავმჯდომარემ ელენე თევდორაძემ განაცხადა, შეწყალების კომისიამ სულ 600-მდე პატიმრის განაცხადი შეისწავლა, რომელთაგან 54 შეირჩა.
თევდორაძის თქმით, შეწყალების კანდიდატურები ისეთ პატიმართა კატეგორიას მიეკუთვნებიან, რომლებიც პირველად იხდიან სასჯელს და ამავე დროს, არ არიან მკვლელები, რეციდივისტები და ნარკოტიკების გამსაღებლები.
54 პატიმარს შორის ორი ქალია.