სახალხო დამცველი სეპარატისტებს საერთაშორისო ორგანიზაციების წინაშე ამხელს
თბილისი.04.08.05.მედიანიუსი. სახალხო დამცველი სოზარ სუბარი აპირებს საერთაშორისო ორგანიზაციებს მიმართოს წერილით, რომელშიც გალის რაიონში ეთნიკური ქართველებისთვის ქართულ ენაზე სწავლების უფლებას მოითხოვს.
სუბარის განცხადებით, ამ აკრძალვით აფხაზეთში ირღვევა ადამიანის ერთ-ერთი მთავარი უფლება: ქართველებს არა აქვთ უფლება, განათლება მშობლიურ ენაზე მიიღონ.
აღსანიშნავია, რომ რამდენიმე დღის წინათ გაეროს გენერალურმა მდივანმა კოფი ანანმა აფხაზურ მხარეს გალის რაიონის ქართულენოვანი მოსახლეობისთვის განათლების მშობლიურ ენაზე მიღების უფლების მინიჭებისკენ მოუწოდა.