სოხუმის ციხეში მყოფი ქართველი პატიმარი შველას ითხოვს
თბილისი.03.08.05.მედიანიუსი. 57 წლის ზაურ უბილავა, რომელიც აფხაზებმა წალენჯიხის რაიონში სხვა ქართველებთან ერთად დააკავეს, სოხუმის ციხეში მძიმე მდგომარეობაში იმყოფება. უბილავას, რომელსაც აფხაზები საზღვრის უკანონო გადაკვეთაში ედავებიან, ჯანმრთელობის მდგომარეობა გაუარესდა და სასწრაფოდ საავადმყოფოში გადაყვანას საჭიროებს.
უბილავას ოჯახის წევრებმა დახმარებისთვის აფხაზეთში მოქმედ გაეროს მისიას მიმართეს. როგორც გაეროს სამშვიდობო მისიის გალის ოფისის ხელმძღვანელმა ვალერი მაკარენკომ განაცხადა, მათ ყოველდღიური კონტაქტი აქვთ დაკავებულებთან და უბილავას უფლებების დაცვისთვის ყველაფერს გააკეთებენ.