პოლიციას უკანონო დაკავებაში ადანაშაულებენ
თბილისი.16.08.05.მედიანიუსი. „თავისუფლების ინსტიტუტის“ წევრის თეა თუთბერიძის განცხადებით, შიდა ქართლის შინაგან საქმეთა სამმართველოს თანამშრომლებმა თორმეტი ადამიანი უკანონოდ დააკავეს და ადვოკატებთან შეხვედრის საშუალებას დიდი ხნის მანძილზე არ აძლევდნენ.
„ამის გამო, მე და ადვოკატებს ღამის თორმეტ საათზე მოგვიწია გორში ჩასვლა. ჩვენი ჩასვლის მომენტისთვის დაკავებულების გარკვეული რაოდენობა გაუშვეს და უკანონო პატიმრობაში მხოლოდ ორი კაცი დარჩა“, _ აღნიშნა თუთბერიძემ დღეს გამართულ პრესკონფერენციაზე.
თუთბერიძის თქმით, სამხარეო სამმართველოს უფროსი ვლადიმერ ჯუღელი მათ უმტკიცებდა, რომ ზემოხსენებული ორი პირი საკუთარი ნებით იმყოფებოდა პოლიციის შენობაში და მათ არც ადვოკატებთან შეხვედრა მოუთხოვიათ.
„საბოლოოდ, ეს ორი პიროვნება გაუშვეს, მაგრამ ჯუღელის მითითებით ისინი ჩასხდნენ მანქანაში და იქაურობას გაეცალნენ, რათა ჩვენ არ დაგვლაპარაკებოდნენ“, - განაცხადა თეა თუთბერიძემ.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
