ავტოკატასტროფაში დაღუპულის ოჯახის წევრებმა და ახლობლებმა გზა გადაკეტეს

ავტოკატასტროფაში დაღუპულის ოჯახის წევრებმა და ახლობლებმა გზა გადაკეტეს

თბილისი.24.08.05.მედიანიუსი.  ბათუმი-სარფის საავტომობილო მაგისტრალზე რამდენიმე დღის წინათ ავტოკატასტროფაში დაღუპული 18 წლის მამუკა დუმბაძის ოჯახის წევრებმა და ახლობლებმა 24 აგვისტოს გზა გადაკეტეს. ისინი მკვლელის დასჯამდე მიცვალებულის დაკრძალვაზე უარს აცხადებენ.

რამდენიმე დღის წინათ გონიოს საავტომობილო გზაზე უცხოური მარკის ავტომანქანა ფეხით მოსიარულე მამუკა დუმბაძეს დაეჯახა, რომელიც ადგილზე გარდაიცვალა, ხოლო ავტომანქანის მძღოლი მიიმალა.

დაღუპულის ნათესავები საქმის დაუყოვნებლივ გამოძიებას ითხოვენ. სამართალდამცავები აცხადებენ, რომ საქმე უახლოეს მომავალში გაიხსნება.

18 წლის მამუკა დუმბაძეს, კვარიათში გამართული კონცერტის დასრულების შემდეგ სახლში მიმავალს, სარფიდან მომავალი ავტომანქანა დაეჯახა.