პარლამენტის ადამიანის უფლებათა დაცვის კომიტეტმა პრეზიდენტის ინიციატივა დაიწუნა
თბილისი.14.09.05.მედიანიუსი. პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა მხარი არ დაუჭირა პრეზიდენტის ინიციატივას‚ რომელიც “კანონში პროკურატურის შესახებ” ცვლილებებს შეეხებოდა.
ამ ცვლილებების მიხედვით, იურიდიული განათლება მიღებულ პირს საოლქო‚ საქალაქო‚ თუ გენერალურ პროკურორად დანიშვნისთვის არ სჭირდება სამართალდამცავ სისტემაში მუშაობის ხუთწლიანი სტაჟი.
ამჟამად მოქმედი კანონმდებლობის მიხედვით‚ ზემოხსენებული სტაჟის გარეშე პირის პროკურორად დანიშვნა დაუშვებელია.