სამარშრუტო ტაქსების მძღოლებმა საპროტესტო აქცია გამართეს
თბილისი.19.09.05.მედიანიუსი. სამარშრუტო ტაქსების მძღოლები დედაქალაქის ცენტრალურ ქუჩებზე სამარშრუტო ტაქსების მოძრაობის გაუქმებას აპროტესტებენ.
სამარშრუტო ტაქსის მძღოლებმა დღეს რიყეზე მრავალრიცხოვანი აქცია გამართეს. მათი განცხადებით, თბილისის მერიის ამ გადაწყვეტილებამ უმუშევრად 15 ათასამდე მძღოლი დატოვა. ამ ადამიანებს კი ოჯახის სარჩენად სხვა სახსრები არ გააჩნიათ.
მძღოლებს თანადგომა თბილისის საკრებულოს ფრაქცია “ახალი მემარჯვენეების” ლიდერმა გიორგი მოსიძემ გამოუცხადა.
“ეს არის გამაფრთხილებელი აქცია‚ რომლითაც იწყება ბრძოლა უგულავას უკანონო ქმედებების წინააღმდეგ‚” _ თქვა მან.
მძღოლები საპროტესტო აქციას თბილისის მერიის შენობასთან გააგრძელებენ.