ხვითის მოსახლეობა დაკავებულების გათავისუფლებას ითხოვს
სახალხო დამცველის აპარატის თანასწორობისა და თავისუფლების სამმართველოს უფროსის ბექა მინდიაშვილის ინფორმაციით, 21 სექტემბერს გორის ადგილობრივი მაუწყებლობის - „თრიალეთის“ ეზოში 50-მდე ადამიანი შეიჭრა. აქციის მონაწილეები იმ 3 პიროვნების გათავისუფლებასა და “თრიალეთის” ტელევიზიის თანამშრომლებისგან სასამართლოდან სარჩელის გამოტანას ითხოვდნენ, რომლებიც პოლიციამ იმ მოტივით დააკავა, რომ ისინი ფიზიკურად გაუსწორდნენ „თრიალეთის“ ტელევიზიის ჟურნალისტებს. რამდენიმე ხნის წინ, ჟურნალისტები გორის რაიონის სოფელ ხვითში სიუჟეტს ამზადებდნენ ადგილობრივ მაცხოვრებლებზე, რომლებიც ცდილობდნენ ერთ-ერთი ადგილობრივი მოსახლის მოსავალს უკანონოდ დაპატრონებოდნენ. მაშინ ჟურნალისტების ცემის ფაქტზე საქმე აღიძრა და 3 ბრალდებული დააკავეს. შემთხვევის ადგილზე მისული პოლიცია დაახლოებით 2 საათის განმავლობაში ცდილობდა სიტუაციის განმუხტვას. სახალხო დამცველის აპარატის თანამშრომლები საქმის უკეთ გაცნობის მიზნით გორში ჩავიდნენ.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
