აფხაზებმა 12 ქართველი პატიმარი გაათავისუფლეს
თბილისი.23.09.05.მედიანიუსი. სოხუმის სასამართლომ 12 ქართველი უდანაშაულოდ ცნო და გაათავისუფლა. ესენი ის წალენჯიხელი მეტყევეები არიან‚ რომლებიც აფახაზურმა მილიციამ 20 ივლისს‚ გალისა და წალენჯიხის ადმინისტრაციულ საზღვარზე დააკავა.
აფხაზეთის დე-ფაქტო ხელისუფლების გენერალურმა პროკურატურამ მათ ბრალი აფხაზეთის საზღვრის უკანონო გადაკვეთასა და ხე-ტყის უკანონო ჭრაში დასდო.
გათავისუფლებული ქართველები აფხაზებმა დღეს ენგურის ხიდამდე გადმოაცილეს და ქართულ მხარეს ჩააბარეს. ამ დროისათვის მეტყევეები ზუგდიდში იმყოფებიან.