15:28, Friday, 24.01.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ციხის #1 საპყრობილეში მეათე დღეა პატიმარი შიმშილობს

28.09.2005

ციხის #1 საპყრობილეში მეათე დღეა პატიმარი შიმშილობს

თბილისი.27.09.05.მედიანიუსი. არასამთავრობო ორგანიზაცია კავშირი “კონსტიტუციის 42-ე მუხლის” ინფორმაციით, ციხის #1 საპყრობილეში უკვე მეათე დღეა შიმშილობს მალხაზ ნიშნიანიძე, რომელიც იარაღის უკანონო ტარების ბრალდებით დააკავეს.

დღეს პატიმარმა მოითხოვა  მონიტორინგის საბჭოს წევრთან, ორგანიზაცია “კონსტიტუციის 42-ე მუხლის” აღმასრულებელ დირექტორ ქეთევან ქამაშიძესთან შეხვედრა.

შეხვერისას პატიმარმა ქეთევან ქამაშიძეს განუცხადა, რომ იგი მეათე დღეა მხოლოდ წყალს იღებს და არ აპირებს შიმშილობის შეწყვეტას, ვიდრე არ დააკმაყოფილებენ მის მოთხოვნას. ნიშნიანიძე მიიჩნევს, რომ იგი უკანონო პატიმარია, მას ჩაუდეს ცეცხლსასროლი იარაღი ე.წ. პასტა. 

პატიმრის ინფორმაციით, მას უკვე შეფარდებული ჰქონდა 3-თვიანი წინასწარი პატიმრობა. 26 სექტემბერს კი გამოძიების შუამდგომლობით მალხაზ ნიშნიანიძეს პატიმრობის ვადა 2 თვემდე გაუგრძელდა. ამის მიზეზად გამოძიებამ, საქმეზე ახალი გამომძიებლის დანიშვნა დაასახელა.

ნიშნიანიძე საკუთარი უდანაშაულობის დასამტკიცებლად ითხოვს დაქტილოსკოპიური ექსპერტიზის ჩატარებას, რომელზეც გამოძიებამ უარი უთხრა. მიზეზად კი დაუსახელა, რომ იარაღზე შეუძლებელი იქნებოდა ანაბეჭდის დადგენა.

ქეთევან ქამაშიძის განცხადებით, პატიმრის ჯანმრთელობის მდგომარეობა ამჟამად მძიმე არ არის, თუმცა საკმაოდ სუსტად გამოიყურება და შიმშილობის გაგრძელების შემთხვევაში, შესაძლოა, მგომარეობა უფრო გართულდეს.

“კონსტიტუციის 42-ე მუხლის” წარმომადგენელი შეხვდა აგრეთვე პატიმარ მურთაზ სოთიაძეს, რომელმაც განაცხადა, რომ ციხის ადმინისტრაციამ იგი გადაიყვანა პირველ სართულზე მდებარე მე-6 საკანში, სადაც წყალი ჩადის, დგას გუბეები და ამიტომ იქ ყოფნა თითქმის შეუძლებელია.

ქამაშიძის განცხადებით, მან დაათვალიერა მე-6 საკანი, რომელშიც მართლაც გაუსაძლისი და პატიმრის ჯანმრთელობისათვის საზიანო პირობებია. მის მოთხოვნაზე გადაეყვანათ პატიმარი სხვა საკანში, ციხის ადმინისტრაციამ უარი განაცხადა. მიზეზად კი დაასახელა თავად პატიმრის უსაფრთხოება.

როგორც ქამაშიძეს ციხეში აცნობეს, მურთაზ სოთიაძეს სხვა პატიმრებისგან საფრთხე ემუქრებოდა და ამიტომ გახდა საჭირო მისი გადაყვანა სხვა იზოლირებულ კამერაში.

 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC