პენსიონერებმა პარლამენტის შენობის წინ საპროტესტო აქცია გამართეს

პენსიონერებმა პარლამენტის შენობის წინ საპროტესტო აქცია გამართეს

თბილისი.04.10.05.მედიანიუსი. დღეს საქართველოს პარლამენტის შენობის წინ სამხედრო პენსიონერებმა და ომის ვეტერანებმა მორიგი საპროტესტო აქცია გამართეს.

პენსიონერები ითხოვენ, რომ პარლამენტმა არ დაამტკიცოს კანონპროექტი, რომლის მიხედვითაც, მათი თქმით, სამხედრო პენსიონერებსა და ომის ვეტერანებს შეღავათები უქმდებათ და პენსია უმცირდებათ.

საპროტესტო აქციის მონაწილეებთან პარლამენტის წევრი კობა დავითაშვილი მივიდა, რომელიც პენსიონერებს შეპირდა, რომ საპარლამენტო ოპოზიცია ზემოხსენებული კანონპროექტის მიღებას ხელს შეუშლის.

აქციაზე გამოჩნდნენ “წინ, საქართველოს” ხელმძღვანელები ირაკლი ბათიაშვილი და გიორგი კობახიძე, რომელთაც პენსიონერებს მოუწოდეს,  მისულიყვნენ “წინ საქართველოს” მიერ ორგანიზებულ მიტინგზე.

საზოგადოებრივი მოძრაობა “წინ, საქართველო” მიტინგის ჩატარებას 5 ოქტომბრისთვის აპირებს.