შიდსით დაავადებული პატიმარი საპყრობილეში რჩება

შიდსით დაავადებული პატიმარი საპყრობილეში რჩება

თბილისი.12.10.05.მედიანიუსი. იუსტიციის სამინისტროს სასჯელაღსრულების დეპარტამენტის ზუგდიდის #4 საპყრობილეში მყოფი, შიდსით დაავადებული პატიმარი რევაზ მიქავას ჯანმრთელობის მდგომარეობა არ საჭიროებს მსჯავრდებულთა და პატიმართა სამკურნალო დაწესებულებაში გადაყვანას, - აცხადებენ იუსტიციის სამინისტროში.

შიდსისა და კლინიკური იმუნოლოგიის ცენტრში ჩატარებული კვლევის თანახმად, მიქავა აივ-ინფექცია/შიდსის ვირუსის მატარებელია. დღეისათვის მას რესპირატორული დაავადება, ანუ გრიპი აქვს, რამაც სხეულის ტემპერატურის მომატება გამოიწვია.

მიქავა 2005 წლის 21 ივლისს არის დაკავებული. მას სამართალდამცველები 1996 წლის 27 აგვისტოდან ყაჩაღობის ბრალდებით ეძებდნენ.