გენდერული თანასწორობის საკითხებს სემინარი მიეძღვნა
თბილისი.13.10.05.მედიანიუსი. დღეს საქართველოს პარლამენტში გაიხსნა რეგიონალური სემინარი, რომელიც სამხრეთ კავკასიაში გენდერული თანასწორობის საკითხებს მიეძღვნა.
სემინარზე განიხილეს ქალთა მიმართ ძალადობის წინააღმდეგ ბრძოლის საკითხები‚ მათი მონაწილეობა საზოგადოებრივ-პოლიტიკურ ცხოვრებაში და დასაქმების სფეროში ქალთა დისკრიმინაციის წინააღმდეგ ბრძოლის პრობლემები.
სემინარის მუშაობაში მონაწილეობდნენ საქართველოს‚ სომხეთისა და აზერბაიჯანის საპარლამენტო წარმომადგენლები, ექსპერტები ევროსაბჭოს საპარლამენტო ასამბლეადან‚ რომელთაც როზმარ ზეპფ-ჰელბინგი ხელმძღვანელობს.