თაბუკაშვილის ქუჩის მცხოვრებნი სამარშრუტო ტაქსების მოძრაობას აპროტესტებენ
თბილისი.14.10.05.მედიანიუსი. თბილისში‚ რევაზ თაბუკაშვილის ქუჩის მცხოვრებნი ამ ქუჩაზე სამარშრუტო ტაქსების მოძრაობას აპროტესტებენ. ეს სამარშრუტო ტაქსები ადრე რუსთაველის გამზირზე მოძრაობდნენ. მათ მარშრუტი დედაქალაქის მერიის გადაწყვეტილებით შეეცვალათ.
როგორც თაბუკაშვილის ქუჩის მცხოვრებნი აცხადებენ‚ ტრანსპორტის მოძრაობით გამოწვეულ ვიბრაციას მათი საუკუნოვანი სახლები ვერ უძლებს. ასეთ ვითარებაში კი მათ სიცოცხლეს ყოველ წუთს საფრთხე ემუქრება.
მთაწმინდა-კრწანისის რაიონის გამგებლის კახა გურულის განცხადებით, თაბუკაშვილის ქუჩის მცხოვრებთა ამ პრობლემის გადაჭრის გზებზე თბილისის პრემიერი თემურ ქურხული და ტრანსპორტის საქალაქო სამსახურის უფროსი ზურაბ ჩიკვილაძე ერთობლივად იმსჯელებენ. ეს საკითხი‚ სავარაუდოდ‚ მომავალ კვირაში გადაწყდება.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
