არასრუწლოვანმა პატიმრებმა გაქცევა სცადეს

არასრუწლოვანმა პატიმრებმა გაქცევა სცადეს

თბილისი.07.11.05.მედიანიუსი. იუსტიციის სამინისტროს სასჯელაღსრულების დეპარტამენტის ბათუმის #3 საპყრობილიდან არასრუწლოვანმა პატიმრებმა, 17 წლის რაულ ყ.-შვილმა და მისმა თანატოლმა რომან კ.-იამ 6 ნოემბერს, 03.00 საათზე გაქცევა სცადეს.

პატიმრებმა საკანში გისოსები გადახერხეს და  ერთმანეთზე გადაბმული ზეწრებით ეზოში დაეშვნენ.

რაულ ყ.-შვილი და რომან კ.-ია პასუხისგებაში ყაჩაღობის ბრალდებით არიან მიცემულნი. მათი განმარტებით, ფანჯრიდან საჭირო ნივთი გადაუვარდათ და მის ასაღებად ჩავიდნენ ეზოში.
გაქცევის მცდელობის ფაქტთან დაკავშირებით სისხლის სამართლის საქმე აღიძრა, რომელსაც იუსტიციის სამინისტროს საგამოძიებო დეპარტამენტი იძიებს.