ზუგდიდში აქციის მონაწილის შვილი გაიტაცეს
ზუგდიდი.24.11.05.მედიანიუსი. ზუგდიდის ბაზრის წინ მიმდინარე საპროტესტო აქციის ერთ-ერთი აქტივისტის ჯინა კარტოზიას მცირეწლოვანი შვილი, როგორც მისი ახლობლები აცხადებენ, უცნობმა პირებმა გაიტაცეს და გაურკვეველი მიმართულებით წაიყვანეს. გატაცებიდან რამდენიმე საათის შემდეგ ბავშვი ქალაქ ზუგდიდის ცენტრიდან მოშორებით ჩამოსვეს.
გამტაცებლებმა ბავშვს კატეგორიულად მოთხოვეს‚ რომ დედამისს საპროტესტო აქცია მიეტოვებინა. წინააღმდეგ შემთხვევაში ბავშვს ხელახლა გატაცებით დაემუქრნენ.
აქციის მონაწილეები მომხდარზე ხელისუფლებისგან რეაგირებას ითხოვენ.