08:20, Thursday, 24.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კოტე კემულარია მონიტორინგის საბჭოს აუქმებს

28.11.2005

კოტე კემულარია მონიტორინგის საბჭოს აუქმებს

თბილისი.25.11.05.მედიანიუსი. კონსტანტინე კემულარია იუსტიციის სამინისტროს დამოუკიდებელი საზოგადოებრივი მონიტორინგის საბჭოს არსებობას ნონსესად მიიჩნევს და მისი გაუქმების მომხრეა.

იუსტიციის მინისტრის ინიციატივით, საქართველოს იუსტიციის სამინისტროს პენიტენციურ სისტემას ახალი რეფორმირებული საზოგადოებრივი მონიტორინგის საბჭოები გააკონტროლებენ. კონსტანტინე კემულარიას განცხადებით, დამოუკიდებელი საზედამხედველო ორგანოს ფორმირება და საქმიანობის რეგულირება, „პატიმრობის შესახებ“ კანონის შესაბამისად მოხდება.

აღნიშნული მოდელის მიხედვით, მონიტორინგის საბჭო თითოეულ დაწესებულებასთან ჩამოყალიბდება და იგი ორიენტირებული იქნება აქ არსებული პრობლემების გამოვლენაზე და მათი აღმოფხვრის ხელშეწყობაზე.

დღესდღეობით არსებული საზოგადოებრივი მონიტორინგის საბჭო, რომელიც ცალკეული არასამთავრობო ორგანიზაციების 21 წარმომადგენლისაგან არის დაკომპლექტებული, სასჯელაღსრულების თითოეულ დაწესებულებაში დაუბრკოლებლად შესვლის ნებართვით სარგებლობს, თუმცა საბჭოს წევრთა აბსოლუტური უმრავლესობა ამ სპეციალური რწმუნებით მხოლოდ თბილისში განლაგებულ დაწესებულებებში სარგებლობდნენ.

კონსტანტინე კემულარიას განცხადებით, პენიტენციარული სისტემის რეფორმის წარმატებას მნიშვნელოვანწილად, ამ პროცესში საზოგადოების მონაწილეობა განაპირობებს. იუსტიციის სამინისტრო დაინტერესებულია თბილისში, ბათუმში, რუსთავში, ზუგდიდში და ქუთაისში არსებულ დაწესებულებეთან შეიქმნას საზოგადოებრივი მონიტორინგის საბჭოები, რომლებიც ადგილებზე, რეალურ ზედამხედველობას გაუწევენ ადამიანის უფლებების დაცვასა და პატიმართა სოციალურ მდგომარეობას.

იუსტიციის სამინისტროსა და სასჯელაღსრულების დაწესებულებებზე მონიტორინგის საბჭოს თავმჯდომარე თეა თუთბერიძე ამ საბჭოს გაუქმების თაობაზე იუსტიციის მინისტრ კონსტანტინე კემულარიას განცხადებას არასერიოზულს უწოდებს.

„საბჭოს გაუქმების უფლება კემულარიას არ აქვს‚ რადგან იგი პრეზიდენტის შექმნილია. იმედია‚ მის ამ ნაბიჯზე შესაბამისი პირები სათანადო რეაგირებას მოახდენენ‚“ - ამბობს თეა თუთბერიძე.

 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC