ქართველი სამშვიდობოები ერაყში მიემგზავრებიან
თბილისი.30.11.05.მედიანიუსი. ქუთაისის 23-ე მსუბუქი ქვეითი ბატალიონი დღეს ერაყში მიემგზავრება. ბატალიონი ქალაქ ბაქუბაში განლაგდება. ქართველი სამხედროების ფუნქცია ამერიკული სამხედრო ობიექტის დაცვა და პატრულირება იქნება. ქუთაისის 23-ე მსუბუქი ბატალიონი სამასი სამხედრო მოსამსახურით არის დაკომპლექტებული, იგი ორი საბრძოლო და ერთი უზრუნველყოფის ასეულისგან შედგება.