პარლამენტის შენობის წინ სამი ათასამდე პენსიონერი საპროტესტო აქციას მართავს
თბილისი.02.12.05.მედიანიუსი. პარლამენტის შენობის წინ ძალოვანი სტრუქტურების პენსიონერთა საპროტესტო აქცია მიმდინარეობს. აქციას, რომელიც ფრაქცია "დემოკრატიული ფრონტის" მიერაა ორგანიზებული, 3 ათასამდე პენსიონერი ესწრება. აქციის მონაწილეები იმ კანონპროექტს აპროტესტებს, რომლის მიხედვითაც ვეტერანებს შეღავათები უუქმდებათ.
აქციაზე ვრცელი სიტყვით გამოვიდა დეპუტატი კობა დავითაშვილი, რომელმაც პრეზიდენტი მიხეილ სააკაშვილი წინასაარჩევნო დაპირებების შეუსრულებლობაში დაადანაშაულა.
დავითაშვილის განცხადებით, წინა არჩევანზე ხალხმა მხარი ნაციონალური მოძრაობის პროგრამას დაუჭირა, მაგრამ ამ პროგრამის არცერთი პუნქტი არ შესრულებულა.
პარლამენტმა აქციის მონაწილეებს მოუწოდა, რომ არ დაშლილიყვნენ მანამდე, ვიდრე ხელისუფლება მათ მოთხოვნებს არ დააკმაყოფილებს.