მეცნიერებმა მდუმარე აქცია გამართეს

მეცნიერებმა მდუმარე აქცია გამართეს

თბილისი, 14.12.2005, მედიანიუსი - საქართველოს მეცნიერებათა აკადემიის სტრუქტურაში მყოფმა მეცნიერებმა  განათლების სამინისტროს მიერ მომზადებული კანონპროექტის “მეცნიერების და ტექნოლოგიების განვითარების შესახებ”  წინააღმდეგ საპროტესტო აქცია გამართეს.

აქციაში მონაწილე მეცნიერები  კანონპროექტის გადახედვას და პირველი მოსმენით მიღებული რიგი ცვლილებების გაუქმებას მოთხოვენ.

მეცნიერებათა აკადემიის პრეზიდენტის თამაზ გამყრელიძის განცხადებით, “ქართველი მეცნიერები და აკადემიის სამეცნიერო კვლევითი ინსტიტუტები გამოთქვამენ შეშფოთებას იმ გადაწყვეტილებების გამო, რომელიც მიღებული იქნა მეცნიერებათა აკადემიასთან მიმართებაში.”