სპეცოპერაცია ძებნილის ლიკვიდაციით დასრულდა
თბილისი.14.12.05.მედიანიუსი. დღეს თბილისის შს მთავარი სამმართველოს თანამშრომლებმა სპეცოპერაციის დროს შეიარაღებული წინააღმდეგობის გაწევისას მოკლეს ძებნილი, 30 წლის რევაზ სარჯველაძე, რომელსაც 2002 წელს უზენაესმა სასამართლომ ადამიანის გატაცების, მკვლელობის მცდელობის, ჯგუფური ყაჩაღობის, ცეცხლსასროლი იარაღის უკანონო ტარებისათვის 17 წლით თავისუფლების აღკვეთა მიუსაჯა. იგი სასჯელს გეგუთის სასჯელაღსრულების დაწესებულებაში იხდიდა.
მოგვიანებით, სარჯველაძე თავს დაესხა დაწესებულების თანამშრომელს და სასჯელაღსრულების დაწესებულებიდან გაიქცა.
შს სამინისტროს ინფორმაციით, სარჯველაძეს 2003 წლიდან, ძებნის პერიოდში, დღემდე არაერთ მძიმე დანაშაული აქვს ჩადენილი.