05:02, Friday, 18.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სახალხო დამცველი სოზარ სუბარი ანგარიშით წარსდგა

16.12.2005

სახალხო დამცველი სოზარ სუბარი ანგარიშით წარსდგა

თბილისი.15.12.05.მედიანიუსი. პარლამენტის ადამიანის უფლებათა და სამოქალაქო ინტეგრაციის კომიტეტის სხდომაზე სახალხო დამცველი სოზარ სუბარი ანგარიშით წარსდგა.

სუბარის თქმით, 2005 წელს საქართველოში კვლავ დაფიქსირდა რელიგიური ნიშნით ადამიანთა შევიწროვების ფაქტები. კერძოდ, ავიწროვებენ იეღოველებს‚ ბაბტისტებს და სხვა რელიგიური ჯგუფების წარმომადგენლებს. `მათ აყენებენ შეურაცხყოფას‚ არ აძლევენ ოფისებში შესვლის უფლებას და არ აძლევენ რემონტის გაკეთების საშუალებას. ერთ-ერთ რაიონში ბაბტისტებს ოფისის გასაღები წაართვეს და ამაში მონაწილეობდა ახმეტის ყოფილი მაჟორიტარი დეპუტატის, ახმეტელის ძმა‚" - განაცხადა სახალხო დამცველმა.

სახალხო დამცველის განცხადებით, საქართველოში ეთნიკურად ყველაზე შევიწროვებული ჯგუფი ბერძნები არიან. თუმცა‚ სუბარის თქმით, მათი  შევიწროვება პოლიტიკური ნიშნით არ ხდება.

მის ანგარიშში ერთ-ერთი საკითხი უპატრონო ბავშვების პრობლემა იყო.

"უპატრონო ბავშვების საკითხის მოსაგვარებლად არსებობს რამდენიმე პროექტი‚ რომელიც მათ ოჯახებში შესახლებას გულისხმობს. ეს გადაჭრის ძალიან ბევრ პრობლემას‚ რადგან უპატრონო ბავშვთა დიდი ნაწილი ეწევა კრიმინალურ საქმიანობას‚ ჩართულია პროსტიტუციაში და ბევრი მათგანი ნარკომანია. ასეთი კონტინგენტის ოჯახებში შეშვება კი ბუნებრივია‚ არავის  უნდა‚" - განაცხადა სოზარ სუბარმა კომიტეტის სხდომაზე.

სუბარის ანგარიშმა "მემარჯვენე ოპოზიციის" წარმომადგენლის, კოკა გუნცაძის უკმაყოფილება გამოიწვია. მისი თქმით‚ ქვეყანაში კვლავ არის ტაბუდადებული თემები, რომელზეც დღეს არავინ  საუბრობს. "სასამართლო პროკურატურის და ხელისუფლების დიქტატისაგან ვერ განთავისუფლდა. ვალერი გელაშვილი ქუჩაში სცემეს. ამას ვანო მერაბიშვილის უწყების მეტი ვერავინ გაბედავდა‚" - განაცხადა გუნცაძემ კომიტეტის სხდომაზე.

მისივე თქმით, სოზარ სუბარის ანგარიშში არაფერია ნათქვამი იმის შესახებ‚ თუ რა ხდება მასმედიაში. დღეს მედიამფლობელები ჩუმად არიან‚ ისინი ისევე არიან შეშინებულნი‚ როგორც მეწარმეები.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC