შრომის ჯანმრთელობის და სოციალური დაცვის სამინისტროს თანამშრომლები სამინისტროში არ შეუშვეს
შრომის ჯანმრთელობის და სოციალური დაცვის სამინისტროს 17 თანამშრომელს სამინისტროს შენობაში არ უშვებენ. მას შემდეგ რაც მათი გათავისუფლების შესახებ ბრძანება დაიწერა ისინი შენობაში საკუთარი ნივთების წამოსაღებად აღარ შეუშვეს. დაცვის უფროსი აცხადებს რომ მას ბრძანება ამის შესახებ მინისტრისაგან აქვს მიღებული. სახალხო დამცველის წარმომადგენლის განცხადებით, სახეზეა მათი უფლებების აშკარა დარღვევა. 2 დღიანი აქციის შემდეგ ყოფილ თანამშრომლებს შენობაში ორ-ორად დაცვის თანხლებით შესვლის უფლება მისცეს, რაზეც თანამშრომლებმა უარი განაცხადეს. ისინი თვლიან, რომ ეს ფაქტი მათთვის შეურაცმყოფელია.
შრომის ჯანმრთელობის და სოციალური დაცვის სამინისტროს 17 თანამშრომელი 19 დეკემბერს სამინისტროს პოლიტიკისა და კანონპროექტში მოსალოდნელი ცვლილებების კრიტიკის გამო გამო გაათავისუფლეს.