წინასაახალწლო საჩუქრები არასრულწლოვან პატიმრებს
25 დეკემბერს, იუსტიციის სამინისტროს სასჯელაღსრულების დეპარტამენტის არასრუწლოვანთა აღმზრდელობით დაწესებულებაში არასამთავრობო ორგანიზაცია “ადამიანის უფლებათა საინფორმაციო და სადოკუმენტაციო ცენტრის”, “ფსიქო-რეაბილიტაციის ცენტრ “ემპათიასა” და საერთაშორისო ორგანიზაცია “ციხის საერთაშორისი რეფორმის” წარმომადგენლები იმყოფებოდნენ, რომელთაც მსჯავრდებულებს წინასაახალწლოდ საჩუქრები მოუტანეს.
საჩუქრების ნაწილი ბიზნესმენ ბადრი პატარკაციშვილის ფონდის მიერაც იყო შეძენილი. არასრუწლოვანებისთვის წინასაახალწლო ნობათის მომზადებაში ასევე მონაწილეობდნენ კომპანია “ქოლგეითი”.
ადამიანის უფლებათა ცენტრმა არასრულწლოვან დამნაშავეებს ფერადი ტელევიზორი და კომპიუტერი გადასცა. დანარჩენ საჩუქრებს შორის იყო საშობაო ნაძვის ხე, თბილი ტანსაცმელი, ჰიგიენური ნივთები, თეთრეული, პირსახოცები და სხვა.
არასრულწლოვანთა აღმზრდელობითი დაწესებულების დირექტორის ხათუნა ჯაპავას თქმით, დაწესებულებაში წინაასაახალწლო მზადება უკვე დაწყებულია. აქ მყოფი 19 მსჯავრდებული ნაძვის ხის მორთვა უკვე დაიწყეს.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
