02:25, Sunday, 05.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

აქცია კახეთში დევნილი მოსამართლეების მხარდასაჭერად

09.01.2006

აქცია კახეთში დევნილი მოსამართლეების მხარდასაჭერად

კახეთის რეგიონის მასმედიისა და არასამთავრობო ორგანიზაციების წარმომადგენლებმა ხელისუფლებისგან უზენაესი სასამართლოს მოსამართლეების გვენეტაძის, ტურავასა და ისაევის დევნა დღეს გურჯაანში გააპროტესტეს. აქციის მონაწილეებმა სამართლიანობის აღდგენის მოთხოვნით კახეთის რეგიონის მაჟორიტარებსაც მიმართეს. მოთხოვნების გაუთვალისწინებლობის შემთხვევაში კი დეპუტატებს უნდობლობას საჯაროდ გამოუცხადებენ.

კახეთის რეგიონის მასმედიისა და არასამთავრობო ორგანიზაციების წარმომადგენლებს მიაჩნიათ, რომ  მოსამართლეთა გასამართლება და გადაწყვეტილების მიღება შაბათ-კვირას, ღამის საათებში, დაცვის უფლების დარღვევით, წარმოადგენს მოსამართლეთა მიმართ არაადამიანურ მოპყრობას. ამ მეთოდით მოსამართლეთა დევნა და მათი სამაგალითო დასჯა მიზნად ისახავს სასამართლო კორპუსის დაშინებას და მოსამართლეებში მონური მორჩილების სინდრომის დამკვიდრებას“,- აცხადებენ აქციის ორგანიზატორები.

„ვგმობთ სასამართლო ხელისუფლებაზე განხორციელებულ ზეწოლას, მხარს ვუჭერთ უკანონოდ დევნილ მოსამართლეებს და მოვითხოვთ: შეწყდეს უზენაესი სასამართლოს მოსამართლეების - ნინო გვენეტაძის, მურმან ისაევის და მერაბ ტურავას დევნა. ვარდების რევოლუციის შემდეგ, ფაქტობრივად ხელისუფლებას მონური მორჩილების მოსამართლეები ჰყავს. საზოგადოებამ ეს უზენაესი სასამართლოს მოსამართლეთა დევნამდეც იცოდა, მაგრამ აქციებს არ ვმართავდით. ბოლო დროს განვითარებულმა მოვლენებმა ცხადყო, რომ ქვეყანაში მართლმსაჯულების იმედი საერთოდ არ უნდა გვქონდეს და სასამართლო ხელისუფლების ნოტარიუსად საბოლოოდ იქცევა. მარტივად რომ ვთქვათ, მოსამართლე რომელიც თუ გაბედავს ან შეცდება და ხელისუფლების საწინააღმდეგო, ობიექტურ გადაწეყვეტილებას მიიღებს, შესაძლოა გვენეტაძის, ტურავას და ისაევის მდგომარეობა მისთვის სანატრელიც აღმოჩნდეს“,- გვითხრა იურისტთა განვითარების ცენტრის ხელმძღვანელმა თინათინ ფხოველიშვილმა.

დღევანდელ აქციაზე, რომელსაც მოსახლეობა, სტუდენტები და რეგიონში მომუშავე ადვოკატებიც შეუერთდნენ, აქციის მონაწილეებმა კახეთის რეგიონის მაჟორიტარ დეპუტატებს საკუთარი და ამომრჩევლების სახელით სამართლიანობის აღდგენის მოთხოვნით მიმართეს. „ჩვენი და ამომრჩევლების მიერ არჩეული დეპუტატებისგან მკაცრად მოვითხოვთ, აღნიშნულზე ხმის ამაღლებას. გვესმის რომ, ბევრი მათგანი მთავრობისა და ბოკერია, გვარამია, ნადირაძე, კალანდაძის აგრესიულ ქმედებებს შეიძლება წინ ვერ აღუდგეს, მაგრამ ისინი ვალდებულები არიან მოუსმინონ საკუთარ ამომრჩეველს და გაითვალისწინონ ჩვენი ნება. მოვუწოდებთ მათ დაიცვან კონსტიტუციით და კანონმდებლობით გათვალისწინებული მოვალეობები, წინააღმდეგ შემთხვევაში უფლებას ვიტოვებთ გურჯაანის, თელავის, ახმეტის, ყვარლის, ლაგოდეხის, სიღნაღის, საგარეჯოს და დედოფლისწყაროს მაჟორიტარებს, ამომრჩეველთა ინტერესების გაუთვალისწინებლობისა და უგულებელყოფისათვის, საჯაროდ გამოვუცხადოთ უნდობლობა“,- განაცხადა ადამიანის უფლებათა საინფორმაციო და სადოკუმენტაციო ცენტრის გურჯაანის ოფისის იურისტმა ლია ხუროშვილმა.

მოსამართლეების მხარდამჭერი აქცია კახეთში მოქმედი 15 არასამთავრობო ორგანიზაციისა და რეგიონული მედია-საშუალებების ორგანიზებულია. 

გელა მთივლიშვილი კახეთიდან

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC