07:56, Thursday, 09.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სასტიკად ნაცემი ჯარისკაცის საქმეზე მოკვლევა დაიწყო

13.01.2006

სასტიკად ნაცემი ჯარისკაცის საქმეზე მოკვლევა დაიწყო

თბილისი.12.01.06.მედიანიუსი. ახალციხის სამხედრო ნაწილის საარტილერიო ბატალიონის რიგითი, სასტიკად ნაცემი ვალერი სარიშვილი მკურნალობის ინტენსიურ კურსს სამხედრო ჰოსპიტალში გადის. საქართველოს სახალხო დამცველის აპარატის ინფორმაციით‚ აქ იგი 11 იანვარს გადაიყვანეს. მანამდე ის აკადემიკოს ოთარ ღუდუშაურის სახელობის ეროვნულ სამედიცინო ცენტრში‚ ტვინის შერყევის დიაგნოზითა და სხვა დაზიანებებით იყო მოთავსებული.

სარიშვილის ადვოკატის განცხადებით‚ გასული წლის ნოემბერის ბოლოდან მოყოლებული‚ სამხედრო ნაწილში მომსახურე სხვა რიგითი ჯარისკაცები მას მუდმივად ჩაგრავდნენ და ფიზიკურ შეურაცხყოფას აყენებდნენ. ამის შედეგად სარიშვილმა რამდენჯერმე დატოვა ნაწილი‚ თუმცა‚ მამისა და ოჯახის წევრების რჩევით‚ ის კვლავ ნაწილში ბრუნდებოდა. 8 იანვარს ფულის გამოძალვის მიზნით‚ იგი სცემეს და კისერზე დანა მიადეს. იმ შემთხვევაში‚ თუკი ე.წ. საერთო ხაზინისთვის (“ობშიაკისთვის”) სარიშვილი ოჯახიდან ფულს ვერ მიიღებდა‚ მოძალადეები ჩამოხრჩობით დაემუქრნენ.

ადვოკატის თქმით‚ რიგითის ცემის ფაქტს სამხედრო ნაწილის ოფიცერიც შეესწრო‚ თუმცა‚ მას მომხდარზე რეაგირება არ მოუხდენია და არც ინციდენტში ჩარეულა. ნაცემი სარიშვილი სამხედრო ნაწილიდან გაიქცა. მძიმე მდგომარეობაში მყოფი რიგითი უცნობმა პირებმა საავტომობილო გზაზე იპოვეს და ღუდუშაურის კლინიკაში გადაიყვანეს.

სახალხო დამცველის აპარატის თანამშრომლებმა კლინიკაში იგი ცხელი ხაზით შესული ინფორმაციის საფუძველზე‚ 9 იანვარს მოინახულეს. როგორც სახალხო დამცველის აპარატში აცხადებენ‚ გამოძიების მსვლელობას თვალყურს პირადად სახალხო დამცველი სოზარ სუბარი მიადევნებს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC