09:18, Thursday, 02.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ზუგდიდში მოსამართლე სცემეს

13.01.2006

ზუგდიდში მოსამართლე სცემეს

11 იანვარს ზუგდიდის რაიონულ სასამართლოში მისულმა დაზარალებული მხარის წარმომადგენლებმა მოსამართლე ნუგზარ სარიას სიტყვიერი და ფიზიკური შეურაცყოფა მიაყენეს. სასამართლო პროცესის გადადებით უკმაყოფილო დაზარალებულებმა მოსამართლე მიკერძოებასა და ტენდენციურობაში დაადანაშაულეს, რის შემდეგაც საკუთარ სამუშაო ოთახში ჩაკეტეს და ფიზიკური შეურაცყოფა მიაყენეს. მოგვიანებით მათ სასამართლოს შენობიდან მოსამართლის გატაცებაც კი სცადეს. პოლიციელების ჩარევის შედეგად სარია სასამართლოს მიმდებარე ტერიტორიაზე იქნა გათავისუფლებული, ხოლო გამტაცებლები მეორე დღესვე 12 იანვარს დააპატიმრეს. ადმინისტრაციული სასჯელის თანახმად, გარდაცვლილის დედა და მეუღლე (დაზარალებული მხარე) ათ, ხოლო ორი ბიძაშვილი თხუთმეტ დღეს დაყოფენ ზუგდიდის სასჯელაღსრულების დაწესებულებაში. აღსანიშნავია, რომ დაკავებულთაგან ერთ-ერთი, გარდაცვლილის დედა სამოცდათორმეტი  წლისაა.

გასული წლის 7 თებერვალს ზუგდიდში ურთიერთშელაპარაკებისას მანუჩარ ეთერიას მიერ მოკლული თენგიზ ფიფიას მეუღლე, დედა და გარდაცვლილის  ბიძაშვილები მოსამართლე სარიას გატაცებას აღიარებენ. ისინი ეჭვმიტანილის მფარველობაში ადანაშაულებენ სასამართლო უწყების თანამშრომლებს და აცხადებენ, რომ მათი ქმედება გაჭიანურებული სასამართლო პროცესის წინააღმდეგ იყო მიმართული. ამ განცხადებას კატეგორიულად უარყოფს მოსამართლე ნუგზარ სარია: „სასამართლო პროცესი პატიმრისა და პატიმრის ადვოკატის გამოუცხადებლობის გამო იქნა გადადებული და ეს სრულიად სამართლიანი გადაწყვეტილება იყო. ხოლო ის რაც შემდეგ მოხდა, არანაირ სამართლებრივ ჩარჩოში არ ჯდება. ამგვარი ქმედება არა მხოლოდ ჩემთვის, არამედ მთელი სასამართლო სისტემისათვისაა შეურაცმყოფელი“,- აცხადებს უკვე დაზარალებული მოსამართლე, ნუგზარ სარია და აღნიშნავს, რომ მოცემული ფაქტი სასამართლოზე ზეწოლის ნათელი მაგალითია.

მაია ღუბელაძე ზუგდიდიდან

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC