გორელი რესპუბლიკელები შიდა ქართლის მხარის გუბერნატორის და რაიონის გამგებლის მოხსნას ითხოვენ
გორელი რესპუბლიკელები შიდა ქართლის მხარის გუბერნატორის და რაიონის გამგებლის მოხსნას ითხოვენ
დღეს რესპუბლიკური პარტიის გორის ორგანიზაციის წარმომადგენელმა შალვა ტლაშაძემ პრესკონფერენცია გამართა. შალვა ტლაშაძე საჯარო ინფორმაციის დაბლოკასთვან დაკავშირებით უჩივის გორის რაიონის გამგებელს - ნუკრი პაპუნაშვილს.
ტლაშაძე ამბობს, რომ მან რაიონის გამგებელს ჯერ კიდევ გასული წლის 19 დეკემბერს მიმართა განცხადებით, თუმცა ამ ხნის განმვალობაში ჯერ პასუხი არ მიუღიათ. „ხელისუფლებამ ძველ წელს არ გაატანა ის ცოდვები, რაც მას გააჩნდა, თუმცა მაინც ძველ გზას აგრძელებენ“,- აცხადებენ გორელი რესპუბლიკელები.
რესპუბიკელები ითხოვდნენ იმ დოკუმენტებს, რომლითაც ხელმძღვანელობს გორის რაიონის გამგეობა. ასევე აინტერესებდათ თუ რამდენი საჯარო ინფორმაცია გასცა რაიონის გამგეობამ. რესპუბლიკელების ინფორმაციით, რაიონის გამგეობიდან გაცემულია მხოლოდ 31 საჯარო ინფორმაცია მაშინ, როდესაც მოქალაქეთა ასეთი რაოდენობის განცხადება ერთ თვეში შედის. შალვა ტლაშაძე ითხოვს დადგეს რაიონის გამგებელ ნუკრი პაპუნაშვილის პასუხისმგებლობის საკითხი, ასევე მხარის რწმუნებულ მიხეილ ქარელის პასუხისმგებლობის საკითხი, რადგან რაიონის გამგეობის მსგავსად სამხარეო ადმინისტრაციაც მალავს საჯარო ინფორმაციას.
გამგეობაში კომენტარს არ აკეთებენ.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
