19:38, Monday, 30.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ზუგდიდის საოლქო პროკურატურასთან დაზარალებული შიმშილობს

26.01.2006

 ზუგდიდის საოლქო პროკურატურასთან დაზარალებული შიმშილობს

ზუგდიდის საოლქო პროკურატურის შენობის წინ 29 წლის გოდერძი ჭილაია კომპანია „ექსპრეს სერვისის“ წინააღმდეგ აღძრული სისიხლის სამართლის საქმის გამოძიების დაჩქარების მოთხოვნით შიმშილობს.

ჭილაია გამომძიებელ რევაზ თორდიას ძიების პროცესის ხელოვნურად გაჭიანურებასა და კომპანიის ხელმძღვანელებისაგან ქრთამის აღებაში ადანაშაულებს: „თავდაპირველად, როცა თორდია საქმის ვითარებას გაეცნო, შემპირდა, რომ ამ საქმეს ხუთ დღეში გახსნიდა. „ექსპრეს სერვისის“ გენერალურ დირექტორთან, იური ნოზაძესთან შეხვედრის შემდეგ გამოძიება ადგილიდან არ დაძრულა. საქმე იმაშია, რომ ნოზაძე „ქართუ ბანკის“ გენერალური დირექტორის, ბიძინა ივანიშვილის სიძეა და ის მფარველობს. ხუთი თვეა საქმე ძიებაშია და ვხვდები, რომ ლოდინი და შიმშილობა აქ გაშლილ კარავში დიდხანს მომიწევს“, - აცხადებს დაზარალებული.

რევაზ თორდია კატეგორიულად უარყოფს დაზარალებულის განცხადებებს და ჩვენთან საუბარში აცხადებს, რომ დაზარალებულთან არანაირი საუბარი არ ჰქონია. მეტიც, ამტკიცებს, რომ მას საერთოდ არ იცნობს.

გოდერძი ჭილაიამ საწარმოო ტრამვა თხილის გადამამუშავებელ საამქრო „ექსპრეს სერვისში“  2004 წელს მიიღო. სახელმწიფო საზედამხედველო ორგანოს წარმომადგენლის, ჯამბულ წიფურიას მიერ უბედური შემთხვევის გამოკვლევის შედეგებიდან ირკვევა, რომ ტრამვის მიზეზი წარმოებაში დამონტაჟებული კუსტარულად დამზადებული ტექნიკა, გაუმართავი დანადგარებით ექსპლუატაცია და უსაფრთხოების წესების დაუცველობაა.

კომპანიის მიერ დაზარალებულის მკურნალობა და ერთი ოპერაცია დაზარალებულის ჯანმრთელობის მდგომარეობის სიმძიმის გამო არასაკმარისი აღმოჩნდა. შემდგომ მკურნალობასა და მეორე ოპერაციის ხარჯების დაფარვაზე კი დაზარალებულის განცხადებით, კომპანიის დირექტორი, იური ნოზაძე კატეგორიულ უარს აცხადებს.

ამ დროისათვის გოდერძი ჭილაიას ჯანმრთელობის მდგომარეობა საკმაოდ მძიმეა. ექიმების განმარტებით, მან სასწრაფოდ უნდა შეწყვიტოს აქცია, რადგან მის ჯანმრთელობას სერიოზული საფრთხე ემუქრება.

მაია ღუბელაძე ზუგდიდიდან

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

შშმ მსჯავრდებულთა უფლებები პენიტენციურ დაწესებულებაში
შვიდი წელია არასამთავრობო ორგანიზაცია ადამიანის უფლებათა ცენტრში ვმუშაობ და ამდენივე წელია, რაც პენიტენციურ დაწესებულებაში მყოფ მსჯავრდებულთა უფლებრივ მდგომარეობას ვსწავლობ.
ვრცლად...
გორაშვილი vs ნაჭყებია
სიკვდილით სავსე ქალაქი
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC