აფხაზურმა მილიციამ 25 წლის ქართველი მოკლა
გალი.15.02.06.მედიანიუსი. გალის რაიონის სოფელ განახლებში აფხაზურმა მილიციამ ქუჩაში მოსიარულე ორ ქართველ ახალგაზრდას ავტომატური იარაღიდან ცეცხლი გაუხსნა. გასროლის შედეგად 25 წლის მანუჩარ ფირცხალავა დაიღუპა, _ ამის შესახებ „მედიანიუსს“ ქართული მხარის სამხედრო დამკვირვებელმა ვალერი ჯაფარიძემ განუცხადა.
ვალერი ჯაფარიძე ინციდენტის დეტალებს არკვევს, თუმცა მის ხელთ არსებული წინასწარი მონაცემებით, მანუჩარ ფირცხალავასა და მის მამიდაშვილს აფხაზურმა მილიციამ ცეცხლი უმიზეზოდ გაუხსნა. „ვაპირებ, საქმის გამოძიებაში ოთხმხრივი საგამოძიებო ჯგუფი ჩავრთო“ - აცხადებს ვალერი ჯაფარიძე.